ماتحنش تاني
ماتحنش تاني ..
كل ماهتحن و هتسلم قلبك هيعاني
هيعلم قلبك يتألم مهو أصله أناني
هيسيبك وقت ما تحتاجله و تعيش وحداني
ماتحنش تاني..
كل ماهتحن هيتغير هيروح ويغيب
دا ولا بيضعف ولا يتأثر دا مالوهش حبيب
حافظ على قلبك واتعلم تقدر و تسيب
وماتحنش تاني
هتشغل تاني قلبك ليه
دي ذكرى وجودها بيهينك
دا واحد ساب هيفرق ايه
قصاد كل اللي عايزينك
بتندم ليه و بتفكر
مفيش ولا حاجة تستاهل
دا واحد مهما يتقدر
يبيع الحب بالساهل
تعرف بصراحة ..
لو كان بيحبك أو جالك واتمسك بيك
كان يفضل جنبك ويقولك انا لسة شاريك
بس دا بايعك و بيضحكلك و الضحك عليك
و الضحك عليك
فكر بالراحة ..
هو انت هينفع ترجعله أو تبقى عليه
واحد بيهينك فـ مشاعرك هتروح تراضيه
انا شايف ضعفك في رجوعك طب تضعف ليه
و تحنله تاني ؟
الشاعر : علي خلاف
الملحن : أسامه علي
الموزع : أسامه علي
إرسال تعليق