مش ملاحظ حاجة
* مش ملاحظ حاجة غريبة
إن شكلى احْلَو مثلاً لما سيبتك
وإنى مش لايقة إنى أكون فعلا حبيبتك
آه صحيح والحياة احلَوّت فى غِيبتك
- لا ملاحظ إن أنا مرتاح
زهقت خناق ملل وجراح
كإنك شَر سابنى وراح
وقُربك منى هَمّ انّزَاح
بنزل وأجى وقت ما أعوز
بقيت دلوقتى أقول للناس أنا محظوظ
* نرجع إيه
مش ملاحظ إني بضحك انت عارف ضحكي ليه
ع اللى سابنى وحس فجأة إنى بَحْلَو فى عِينيه
إيه اللى جابك ما أنت كنت رميت وراك
أنت صح أنا مَستاهِلش أكون معاك
أنت صح أنا مَستاهِلش أكون معاك
- ومين قالك طلبت رُجوع ده بُعدك عنى كان راحتى
لو أنتى بجد عايزة رجوع وُجودك مش فى مصلحتى
نسيتك قافل الموضوع ياريت تتقبلى صراحتى
لو أنتى لاحظتى حاجة وشوفتى حاجة بجد عينيك مخدوعين
*مش مِلاَحظ حاجة غريبة
إن صُوتك مش بيعلَى ومش طريقتك
هادى جدًا مهما أقولك أو ضايقتك
آه صحيح أنت فجأة فضيلي وقتك ؟؟؟
- لا مِلاَحظ إن أنا كسبان وحَابِبْ نَفّسِى زى زمان
وشَايف عُمرى بالألوان وهادى بجد مش قلقان
مَعادش فى يومى أى خِنَاق ومين للهم ده يشتاق
الشاعر : أحمد المالكي
الملحن : رامي جمال
الموزع : وسام عبد المنعم
من ألبوم انا لوحدي 2020
إرسال تعليق